Dagaa wa kuunga na nazi

Dagaa, chanzo cha madini ya chuma mwilini. Ni chakula bora kwetu sote – wakubwa na watoto. Mapishi haya ya dagaa kwa nazi yanakupa ladha tofauti ya kukufanya kujiramba zaidi na kuongeza hamu ya kula kwako na wale uwapendao

Mahitaji

  • Dagaa ½ kilo
  • Vitunguu vikubwa 2
  • Nyanya 4
  • Pilipili hoho 1
  • Karoti 1
  • Nazi 1
  • Vitunguu swaumu 1
  • Chumvi ½ kijiko cha chai
  • Mafuta ya kula
  • Ndimu 1

Wapi kwa kupata bidhaa?

Je wewe unauza hivi vitu kwenye biashara yako? Bofya hapa kutuma maelezo ya biashara yako hapa ili uweze kuwafikia walaji wako.

Maelekezo

  • Anza kuandaa dagaa – kata vichwa, toa matumbo, osha na kisha weka vizuri kwenye sufuria.
  • Andaa kitunguu, nyanya, pilipili hoho na karoti. Osha, kata vipande vidogo tayari kwa mapishi.
  • Andaa tui la nazi – vunja nazi, kuna na kisha kamua tui zito na hifadhi vizuri pembeni.
  • Weka sufuria ya kupikia jikoni, kisha mimina mafuta ya kula kiasi. Subiria yapate moto vizuri.
  • Weka vitunguu kwenye sufuria. Koroga ili kufanya viive vizuri.
  • Kabla vitunguu havijaiva vizuri, weka dagaa. Koroga na kukaanga vizuri dagaa.
  • Dagaa wakianza kukauka kamulia ndimu juu yake. Koroga kiasi kisha weka pilipili hoho na karoti. Endelea kukoroga.
  • Weka nyanya kwenye dagaa. Endelea kukoroga na kisha funika na mfuniko ili nyanya ziive vizuri na mvuke na kuwa laini.
  • Nyanya zikiiva unaweza kuziponda ili kupata rojo nzuri.
  • Weka chumvi unayoona inafaa kutokana na kiwango cha mboga.
  • Ongeza tui zito la nazi, endelea kukoroga ili tui lisikatike. Acha tui lichemke hadi liishe na ubaki mchuzi mzito.
  • Unaweza kuepua dagaa wako na kujiramba.

MAPISHI YAPENDWAYO

Spice potato curry
dakika 30
Walaji: 4

Spinach yenye maziwa na nazi
dakika 5
Walaji: 4

Toa maoni yako



JIRAMBE..

Tafuta sehemu ya kula karibu yako

MISOSI AKAUNTI YAKO
Huna akaunti? Bofya hapa kujisajili.