Maandazi ya Mayai na Maziwa

Maandazi ni moja ya kitafunwa maarufu sana Tanzania. Pika maandazi na uweze kufungua kinywa kwa maandazi ya mayai na maziwa. Haya maandazi yanaweza kunywewa chai, juice na pia kahawa.

Mahitaji

  • Unga wa ngano ½ kilo
  • Sukari 200g (kikombe kimoja cha chai)
  • Chumvi ½ kijiko kidogo (cha chai )
  • Hamira kijiko 1 kidogo
  • Yai 1
  • Maziwa ya unga vijiko 2 vikubwa
  • Butter kijiko 1 kikubwa
  • Hiliki kijiko1 kidogo
  • Maji ya uvuguvugu ya kukandia
  • Mafuta ya kuchomea lita 1
  • Kibao cha kusukumia unga wa ngano
  • Sinia au ubao ulionyooka

Wapi kwa kupata bidhaa?

Je wewe unauza hivi vitu kwenye biashara yako? Bofya hapa kutuma maelezo ya biashara yako hapa ili uweze kuwafikia walaji wako.

Maelekezo

  • Weka unga kwenye bakuli kisha ongeza sukari, chumvi, yai, maziwa ya unga, butter na hiliki. Changanya viambato mpaka mchanganyiko uwe sawia.

  • Ongeza maji ya uvuguvugu kiasi kwenye mchanganyiko na uanze kukanda. Ni vizuri kukanda mchanyiko huu kwa muda wa dakika 15 ili kuhakikisha donge lote la unga limelainika vizuri.

  • Gawanya unga uliokwandwa katika madonge manne (4) tofauti.

  • Weka unga wa ngano kidogo katika kibao cha kusukumia na uanze kusukuma donge moja katika shape ya chapati. Katika kusukuma, hakikisha unga wako uko wa wastani – siyo mwembamba sana wala mnene.

  • Ukimaliza kusukuma kata unga kutokana na umbo upendalo kupika maandazi na uyatandaze katika ubao au sinia lililonyooka. Hakikisha sinia au ubao umenyunyuziwa unga wa ngano ili kuzuia unga utakaoweka usingandie.

  • Rudia hiyo hatua kwa madonge yote yaliyobakia.

  • Ukimaliza kuandaa maandazi yako, weka maandazi yako katika sehemu iliyokuwa na joto ili yaweze kuumuka. Hii inaweza kuchukua hadi masaa 3 ili hamira kuumua vizuri unga wako.

  • Unga ukishaumuka, bandika sufuria, au kikaangio pamoja na mafuta jikoni. Hakikisha mafuta ni mengi ili kuwezesha maandazi kuiva vizuri.

  • Mafuta yakishachemka tumbukiza mandazi. Acha maandazi kwenye mafuta mpaka yabadilike rangi na kuwa ya brown.

  • Maandazi yakishaiva, ipua na weka kwenye chujio ili kukausha mafuta. Rudia hatua hizi kwa maandazi yote yaliyobaki.

  • Subiri yapoe na yako tayari kuliwa. Bon appetit.


MAPISHI YAPENDWAYO

Keki ya chocolate
dakika 55
Walaji: 4

Lemonade ya tangawizi
dakika 70
Walaji: 6

Kabeji yenye royco
dakika 10
Walaji: 4

Toa maoni yako



JIRAMBE..

Tafuta sehemu ya kula karibu yako

MISOSI AKAUNTI YAKO
Huna akaunti? Bofya hapa kujisajili.